टीकापुर,६ भाद्र/टीकापुर साना शहरी खानेपानी तथा सरसफाई उपभोक्ता संस्थाको नयाँ निर्वाचित कार्यसमितिको पदस्थापन भएको छ ।
आइतबार निर्वाचन समिति का मुख्य निर्वाचन अधिकृत काशीराम ढुङ्गानाले पदको सपथग्रहण गराउनु भएको हो ।
पदस्थापन कार्यक्रममा प्रमुख अतिथि टीकापुर नगरपालिकाका नगर प्रमुख रामलाल डगौरा थारुले टीकापुर खानेपानी संस्थाले स्वच्छ पानी उपलब्ध गराइरहेको बताउँदै नयाँ निर्वाचित समिति अनुभवी र गतिशिल टीमले खानेपानीको बिस्तार गर्दै साविकका नारायणपुर र धनसिंहपुरसम्म सेवा उपलब्ध गराउन पहल गर्नुपर्ने बताउनु भयो ।
खानेपानीका प्रथम अध्यक्ष नवराज रावलले पाइपलाइन पुगेका तर धारा नजोडिएका गाउँमा उपभोक्तालाई स्कीम दिएर धारा जडान गराउन सकिने सुझाव दिनुभयो ।
उहाँले खानेपानीले उपभोक्ता लाई ऋण थुपा¥यो भन्ने हल्लाका पछि नलाग्न र खानेपानीकै कारण थुप्रै योजना आउन लागेको प्रति सकारात्मक सोच राखिदिन आग्रह गर्नुभयो ।
निवर्तमान अध्यक्ष भैरवसिंह रावलले नागरिकलाई शुद्ध पानी उपलब्ध गराउने सरकारको लक्ष्य उपभोक्ता संस्थाले पूरा गरिरहेको बताउदै नयाँ कार्य समितिलाई टीकापुरभन्दा बाहिरका खानेपानी संस्थाको अवलोकन गर्न पनि सुझाव दिनु भयो ।
कार्यक्रममा नेपाली काँगे्रसका झपट बुढा, नेकपा एकीकृत समाजवादीका रंग अधिकारी, नागरिक उन्मुक्ति पार्टीका रमेश विक, टीकापुर उद्योग वाणिज्य संघ का अध्यक्ष रामबहादुर भण्डारीले नयाँ कार्यसमितिलाई शुभकामना दिनु भएको छ ।
नयाँ निर्वाचित अध्यक्ष नरेश कुमार खत्रीले सबै उपभोक्ताको घरमा शुद्ध पानी पु¥याउन लाग्ने प्रतिवद्धता जनाउँदै सबैको सहयोग को अपेक्षा गर्नुभएको
छ ।