टीकापुर,९ असोज/टीकापुर नगरपालिका वडा न। १ द्वारा वडा न। १ का ११ जना चिराकीलाई साईकल वितरण गरेको छ ।
आर्थिक वर्ष २०७९/८० को विनियोजित कार्यक्रम अन्तर्गत एक लाख दश हजारको लागतमा साइकल वितरण गरिएको हो । कार्यक्रममा बोल्दै टीकापुर नगरपालिकाका उप–प्रमुख खडक बहादुर शाहले बडघर ,चिराकी प्रथालाई कम्तीमा टीकापुर नगरपालिकाले सम्बोधन गर्दा राम्रो कामको शुरुवात भएको बताउनु भयो ।
कार्यक्रममा बडघर धनिराम चौधरीले आगमी दिनमा बडघरलाई पनि यस्ता कार्यक्रममा समेट्न आग्रह गर्नु भयो ।
कार्यक्रममा बोल्दै चिराकी हरि राम चौधरीले आफुहरुले साईकल पाउदा निकै खुसी लागेको र कामहरु छिटो छरितो हुने बताउनु भयो ।
कार्यक्रमलाई समापन गर्दै वडा अध्यक्ष मोहन वि।क।ले बडघर प्रथा अन्तरर्गत समाजमा हुने विभिन्न कार्यक्रमका सुचना प्रवाह गर्न सजिलो र छिटो छरितो होस भन्ने उदश्यले साइकल वितरण गरेको बताउनु भयो । यसले समाजमा सुचनाहरु प्रवाह गर्न पनि सजिलो हुने बताउनु भयो ।
यस्तै सोही कार्यक्रममा टीकापुर नगरपालिका वडा न। १ का स्वास्थ्य विमा दर्ता सहयोगीहरुको क्षमता अभिवृद्धि गन मोवाईल वितरण गरेको छ ।
वडा न। १ का ३ जना दर्ता सहयोगहरुलाई करिव १ लाख बरारका मोवाईल सेट वितरण गरिएको छ ।