टीकापुर,३० फागुन/स्ववियू निर्वाचनको विषयलाई लिएर टीकापुर बहुमुखी क्याम्पसको स्ववियू निर्वाचनको कार्यालय मा तालावन्दि गरिएको छ । कृषी विज्ञान संकायका विद्यार्थीहरुले आइतबार बिहान साढे १० बजेतिर कार्यालयमा तालावन्दि गरेका हुन् ।
कृषी विज्ञान संकायको छुट्टै स्ववियू निर्वाचन हुनुपर्ने, मतदाता नामावलीमा समावेश भएका कृषी विज्ञान संकायका विद्यार्थीका नामहरु हटाइनु पर्ने माग राखि उनीहरुले तालाबन्दि गरेका हुन् ।
तालावन्दिका विषयमा क्याम्पस प्रशासन र विद्यार्थी बिच आइतबार दिउँसो भएको छलफल विना निष्कर्ष सकिएको छ ।
यस विषयमा क्याम्पस प्रशासनले फेरी अर्को पटक विद्यार्थी संग छलफल गर्ने गरी छलफल सकिएको टीकापुर बहुमुखी क्याम्पसका सहायक क्याम्पस प्रमुख लालसिंह कार्कीले जानकारी दिनुभयो ।
सुदुरपश्चिम विश्वविद्यालयको आंगिक क्याम्पस टीकापुर बहुमुखी क्याम्पसमा आउँदो चैत्र ८ गते स्ववियू निर्वाचन हुँदैछ ।