टीकापुर, ३० बैशाख/टीकापुर बहुमुखी क्याम्पस परिसरमा आगलागीक भएको छ । फोहोर जलाएको ठाउँबाट क्याम्पस परिसरमा भएको सुकेको घाँसमा आगो सल्किएपछि आगलागी भएको हो । आगलागीबाट क्याम्पस परिसरमा घाटगद्धी गरि राखेको ७८०।५७ क्यूफिट काठ समेत जलेको छ ।
त्यहाँ घाटगद्धी गरि राखेको ७१८।८१ क्यूफिट सालको काठ र ६१।७६ क्यूफिट बर्रोको काठ जलेको छ । टीकापुर र लम्कीचुहा नगरपालिकाका दमकल, सशस्त्र प्रहरी, नेपाल प्रहरी, क्याम्पसका शिक्षक कर्मचारी तथा विद्यार्थीको सहयोगमा आगो नियन्त्रणमा आएको क्याम्पस प्रमुख केशरबहादुर कुँवरले जानकारी दिनु भयो ।
आगलागीबाट केही काठ पूर्णरुपमा जलेको छ भने केही आधा जलेको अवस्थामा छ । सबैको सहयोगमा समयमै आगो नियन्त्रणमा ल्याउन सफल भएर क्याम्पस भवन लगायत अन्य वरिपरीको क्षेत्रमा आगो फैलिएर हुनसक्ने ठूलो नोक्सानीबाट जोगिएको क्याम्पस प्रमुख कुँवरले बताउनुभयो ।