टीकापुर, १३ चैत/टीकापुर नगरपालिका वडान ६ सिम्रेनि मगर टोलका वृद्ध बाजे समुहले देउसी भैलो खेलेर उठेको रकम ले सडक बत्ति जडान गरेर गाउँको बाटो झिलिमिलि बनाएका छन् ।
देउसी भैलो खेलेर २० हजार उठेको रकमबाट सडक बत्ति जडान गरेको वृद्ध बलबिर घर्तिमगर ले बताउनुभयो । ग्राबेल बाटो पानी परेपछि अँध्यारोमा हिँड्नै गाह्रो हुन्थ्यो त्यही सोचेर हामिले उठेको रकमले पिकनिक नखाएर सडक बत्ति जडान गर्ने योजना बनाएको वृद्ध शुकलाल सुनारले बताउनुभयो ।
स्थानीय समाजसेवी ओमलाल सुनारले देउसी भैंलो खेल्न आउनेहरु ले उठेको पैसाले खसी मुर्गा लगेर मोज गर्छन् भन्ने सोचाईलाइ वृद्ध समुहले गतिलो झापड दिएको बताउनुभयो ।
ओमलाल सुनारले सामाजिक कार्य गर्नको लागि उमेरले छेक्दैन । वृद्धहरुले गरेको कार्य लाई युवाहरुले पनि अनुसरण गर्नुपर्ने बताउनुहुन्छ । २० हजारको लागतमा १५ वटा सडक बत्ति जडान गरिएको समाजसेवी नरेश्वर धमालाले बताउनुभयो ।