टीकापुर, २६ भाद्र/नेपाल महिला संघ कैलालीले सोमवार धनगढीमा शुभकामना आदान प्रदान कार्यक्रम गरेको छ । महिलाहरुको महान पर्व हरितालिका तीजको अवसर पारेर महिला संघले कार्यक्रम गरेको हो । कार्यक्रममा नेपाली कांग्रेसका केन्द्रिय सदस्य जीवन राणाले महिलाको हकहितका लागि महिला संघ एक भएर लाग्न जरुरी छ भन्नुभयो ।
उहाँले प्रजातन्त्रमा महिलाको भूमिका अहम भएकाले महिलाले क्षमताको विकास गर्नुका साथै आफ्नो उपस्थिती बलियो बनाउन जरुरी छ भन्नुभयो ।
सुदुरपश्चिम प्रदेशका मुख्य मन्त्री कमल बहादुर शाहले महिलाको कदर गर्न कार्यक्रम मा उपस्थित भएको हुँ भन्नु भयो । उहाँले महिलाले आफ्नो शक्ती बुझ्न जरुरी छ भन्दै क्षमताको विकास गरेर प्रतिस्प्रधाको राजनीतिमा लाग्न सुझाव दिनुभयो ।
महिला संघका सभापति पुष्पा भट्टको सभापतित्वमा भएको उक्त कार्यक्रममा प्रदेश माननीय ललिता सुनार र पदम बहादुर शाही, नेपाली कांग्रेस कैलालीका सभापति नारायण दत्त भट्ट र महिला संघका केन्द्रिय सदस्य सरस्वति बस्नेतले शुभकामना मन्तव्य राख्नुभएको थियो ।
कार्यक्रममा स्वागत कोषाध्यक्ष निर्मला कडायतले गर्नुभएको थियो भने सञ्चालन सचिब सारदा सोनमले गर्नुुभएको थियो ।