गणेश क्षेत्री
टीकापुर,७ माघ/सगरमाथा युथ क्लब द्वारा माघि मिलन खुल्ला फुटबल प्रतियोगिता को वडान ८ बटनपुर कैलाली मा उद्घाटन भएको छ ।
क्लबका अध्यक्ष योगेन्द्र साउद को सभापतित्वमा भएको कार्यक्रममा टीकापुर नगरपालिकाका मेयर रामलाल डगौरा प्रमुख अतिथि रहनुभएको थियो ।
प्रमुख अतिथि डगौराले खेल ले युवाहरुलाइ अनुशासित र मर्यादित र स्वस्थ बनाउने हुनाले खेलको विशेष महत्त्व हुने बताउनुभयो ।
खेलाडीले जहिलेपनि मर्यादित र अनुशासित भएर खेल्नुपर्ने बताउदै आफु पनि खेलप्रेमि भएकोले खेलकुद प्रतियोगितामा नगरपालिकाले सहयोग गर्ने बताउनु भयो ।
विशिष्ट जङ्गबहादुर साउँदले खेलाडी रास्ट्रको गहना भएको बताउनुभयो । खेलाडी भन्नासाथ स्वस्थ ब्यक्ति को परिकल्पना गरिने भएकोले खेलको आफ्नै विशेष महत्व भएको बताउनुभयो ।
विशिष्ट अतिथि यज्ञ प्रसाद न्यौपानेले खेलमा जित र हार त हुन्छ नै तर पनि हार भयो भन्दैमा निराश नभयर नतिजालाइ सहज रूपमा स्वीकार गर्नसक्नुपर्ने बताउनुभयो ।
क्लबका उपाध्यक्ष मानबहादुर साउँदको स्वागत मन्तव्य सङ्गै सुरुभएको कार्यक्रममा नेपाली काङ्ग्रेस जिल्ला कार्यसमिति सदस्य सेर बहादुर साउद, नेकपा एमाले सुदुर पश्चिम प्रदेश सदस्य मिन बहादुर कठायत, सत्ति कर्णाली सामुदायिक बनका अध्यक्ष धनसिह साउँद लगायत ले शुभकामना मन्तव्य व्यक्त गर्नुभएको थियो ।
प्रतियोगिता मा ९ वटा क्लब ले सहभागीले जनाएको र पुरुस्कार रासि प्रथम लाइ ५१ हजार नगद र शिल्ड , द्वितीय लाइ ३१ हजार र शिल्ड रहेको सगरमाथा क्लब का सल्लाहकार चन्द्र साउद ले बताउनुभयो । अझैपनि प्रतियोगिता मा क्लबले सहभागीता जनाउन सक्ने सगरमाथा युथ क्लब का अध्यक्ष योगेन्द्र साउद ले बताउनु भयो ।
कार्यक्रमको संचालन सल्लाहकार चन्द्र साउँदले गर्नुभएको थियो । आज भएको खेलमा युनाइटेड एकेडेमि ले नकलिपुर युवा क्लब लाइ १ का विरुद्ध २ गोल गरेर जित हासिल गरेको छ ।
धनसिहपुर बासि प्रबास समिति फुटबल प्रतियोगिताको मुख्य प्रायोजक रहेको छ ।