गणेश क्षेत्री
टीकापुर, ५ भाद्र/टीकापुर नगरपालिका वडा नं।७ मा युवा संजालले रक्तदान कार्यक्रम गरेको छ ।
संजालका अध्यक्ष सन्तोष नेपालीको अध्यक्ष्तामा भएको कार्यक्रममा टीकापुरनगरपालिका का मेयर रामलाल डगौंरा थारु प्रमुख अतिथि रहनु भएको थियो ।
प्रमुख अतिथि डगौंराले रक्तदान जिवन दान भएकोले आफूले पनि रक्तदान गरेको बताउँदै संजाल स्थापना भएको छोटो समयमा पनि सामाजिक कार्यमा निकै सक्रियता देखाएकोले प्रशंसा गर्नुभयो ।
रक्तदान कार्यक्रममा ४३ पिन्ट रगत संगत संकलन भएको थियो ।
रक्तदान गर्नुभएका देवीराम भण्डारीले रक्तदान गर्दा शरीर स्वास्थ हुनुका साथै रगतको अभावमा कसैको ज्यान नजाओस् भनेर आफूले रक्तदान गरेको बताउनुभयो ।
युवा संजालले यसअघि क्यान्सर पीडित समिर चौधरीको उपचारमा आर्थिक सहयोग, गाउँको बाटो मर्मत र आर्थिक स्थिती कमजोर भएका परिवारलाई खाद्यान्नको सहयोग गरेको थियो ।
कार्यक्रमको संचालन युवा संजालका सचिव कृत ठकुल्लाले गर्नुभएको थियो भने कार्यक्रमको स्वागत उपाध्यक्ष महेश रावलले गर्नुभएको थियो ।