टीकापुर, २९ मंसिर/वृद्ध सेवा समिति टीकापुरमा बुधबारबाट दिवा सेवा कार्यक्रम शुरु भएको छ ।
टीकापुर नगरपलिका महिला बालबालिका तथा समाज कल्याण उपशाखाको सहयोगमा समितिले जेष्ठ नागरिकका लागि दिवा सेवा कार्यक्रम शुरु गरेको हो । कार्यक्रम १२ दिनसम्म चल्नेछ ।
समितिका अध्यक्ष कण्ठराज गिरीको अध्यक्षतामा भएको कार्यक्रममा यस क्षेत्रका जेष्ठ नागरिकको सहभागिता छ । कार्यक्रममा श्री राममन्दिर टीकापुरका सन्ज्त भगतराम दास प्रमुख अतिथि रहनुभएको थियो कार्यक्रममा समाजसेवी हरिलाल पाण्डे विशिष्ट अतिथि रहनुभएको थियो ।
समितिका सदस्य बलबहादुर रावलले स्वागत गर्नुभएको कार्यक्रममा समाजसेवी शेरबहादुर रावल, रंगनाथ रेग्मी, रतन कुँवर लगायतले बोल्नु भएको थियो । कार्यक्रम सचिव लोकराज रेग्मीले सञ्चालन गर्नुभएको थियो ।
कार्यक्रममा १२ दिनसम्म टिकाराम आर्यले आध्यात्मीक प्रवचन, योग कक्षा मुक्तिनाथ रेग्मीले दिनुहुनेछ । भने शेरबहादुर रावल र लिलाराम पाण्डे लगायतले भजन कृतन गर्ने कार्यक्रम रहेको छ ।