टीकापुर ,३ जेठ/कालिका सेवा समितिले बिहीबार स्वर्गीय केशर बहादुर रावलको १३ औं दिनको पुण्यतिथिमा श्रद्धाञ्जली कार्यक्रम गरेको छ ।
श्रद्धाञ्जली कार्यक्रम कालिका सेवा समितिका अध्यक्ष हर्क बहादुर रावलको अध्यक्षतामा भएको थियो ।श्रद्धाञ्जली कार्यक्रममा ब्रहमलीन आत्माको चिर शान्ती का लागि १ मिनेट मौनधारण गरिएको थियो ।
कार्यक्रममा समाजसेवी कालिका सेवा समितिका पूर्व अध्यक्ष एवं सन्त निरंकारी मण्डल नेपालका केन्द्रिय अध्यक्ष नर बहादुर रावलले ब्रहमलीन केशर बहादुर रावलको बाल्यकाल देखि अध्ययनको शिलशिलामा भारत मुम्बई रहँदाको अवस्थाको स्मरण गराउँनुभयो । आफू र स्वर्गीय केशर बहादुर रावल एकदम मिल्ने साथी रहेको पनि बताउनु भयो ।
उहाँले आफ्नो र संस्थाको तर्फबाट श्रद्धाञ्जली अपर्ण गर्नुका साथै शोकाकुल परिवारजनप्रति धैर्यधारणका लागि परमात्मासंग प्राथना गर्नुभयो ।
श्रद्धाञ्जली कार्यक्रममा समाजसेवी बलबहादुर रावल, पवन देवी रावल, महादेव भण्डारी लगायतका वक्ताहरुले उहाँले पु¥याउनु भएको योगदान माथि प्रकाश पार्नु भएको थियो ।
अछाम मंगलसैन–१० जुपु, बस्ने स्व.पदमसिंह रावल र आमा मानदेवी रावलका कान्छा छोराका रुपमा २००५ साल जेष्ठ २७ गते जन्मनु भएका केशर बहादुर रावल को २०८१ बैशाख २२ गते काठमाडौंको बानेश्वरमा रहेको आफ्नै निवासमा ब्रहमलीन हुनु भएको थियो ।