सम्पादकीय
यस पटक भएको स्थानीय तहको निर्बाचनमा अफवाहका कारण कैयन स्थानमा आपसमा मारामार भएको घटना समाचारमा आएका छन् भने कतिपय स्थानमा आपसमा कानेखुसी मै सीमिति भएका छन् । स्थानीय तहको निर्बाचनमा केही घटना बाहेक अधिकांस स्थानमा शान्तिपूर्ण भएको छ । कैलालीको जोशीपुर पूर्ब मन्त्री जनकराज चौधरीलाई मत पेटिका साट्न आएको भनेर हल्ला खल्ला भयो तर आइतवार मात्र स्थानीय राजनीतिक दलका नेताहरुले गलत अफवाह भएको स्विकार गरेका छन् । उनीहरुले मन्त्री चौधरीका बारेमा भएको अफवाहलाई माफि मागेका छन् र भविष्यमा नदोह¥याउने गरी लिखित प्रतिबद्धता गरेका छन् । निर्बाचन सकिएपछि सबैले मिलेर बस्नु स्थानीयको हित भएको महशुस गरेका छन् । निर्बाचनका दिन त्यस क्षेत्रमा ठूलो तनाब थियो तर निर्बाचन सकिएपछि सबैले गलत भएको महशुस गरेका छन् । निर्बाचनमा बिजय हुनका लागि सबै लागि परेका थिए । बिजयी हुन लागि आपसमा तिक्तता बढाउनु गलत हो । समाजले तयार गरेको एउटा मन्त्रीलाई गलत लान्छना लगाउनु गलत हो । कसैलाई लान्छना लगाउँदा सुहाउँदा खालको पनि हुनुपर्छ । एउटा मन्त्री भएको व्यक्तिलाई आग्रह पूर्बाग्रह राख्नु कसैका लागि लाभ हुँदैन । जे होस् जोशीपुरमा पछिल्लो समय आपसमा समझदारी कायम गर्ने प्रयास भएको छ । यसले सकारात्मक सन्देश दिएको छ । स्थानीय निर्बाचनमा आ–आफ्नो पार्टीलाई जिताउन प्रयास गर्नु अपराध होइन । सबैले आफ्नो बिचारलाई बलियो बनाउने प्रयास गर्छ । हरेक पार्टीका नेता तथा कार्यकर्ताले आफ्नो पार्टी बलियो बनाउन लाग्नु सबैको कर्तव्य हो । तसर्थ समाजमा सद्भाव र शान्ति कायम गर्ने सवालमा सबै एकजुट हुन जरुरी छ । समाज बलियो बनाउन सबैले सकारात्मक प्रयास गर्न जरुरी छ । यसैमा सबैको भलो छ ।
