टीकापुर, २३ साउन/टीकापुरमा मंगलबार रात्री फेरी बाघले आक्रमण गरेर बाख्रा मारेको छ ।
टीकापुर नगरपालिका वडा नम्बर १ ब्लक नं। ‘बी’ स्थित विक्की वि।क।को खोरमा रहेका दुईवटा बाख्रा मारेको छ । खोरमा रहेका अन्य केही बाख्रा लाई भने चोटपटक लागेको वि।क।बताउनुभएको छ ।
आइतवार राति बाघले टीकापुर नगरपालिका वडा नम्बर १ ब्लक नं। १७ स्थित दुई व्यक्तिका खोरमा रहेका छ वटा बाख्रा मारेको थियो । स्थानीय बिजुसिँह बिष्ट र दुर्गा परियारका ३/३ वटा बाख्रा मारेको थियो । बाघ राति बजार नजिकै पुग्दा स्थानीयमा त्रास बढेको छ ।
इलाका प्रहरी कार्यालय टीकापुरका प्रहरी निरिक्षक लोकराज अवस्थीले बाघको आक्रमण बढ्दै गएको हुँदा सतर्क रहन आग्रह गर्नुभएको छ । बस्तीभित्रै पसेर बाघले आक्रमण गर्न थालेपछि थप जोखिमको सम्भावना रहेको हुँदा आवश्यक सावधानी अपनाउन उहाँले आग्रह गर्नुभयो ।
अहिले बाघले बजार नजिकैको बस्तीमा आक्रमण गर्नथाले पछि मानवीय क्षति हुनसक्ने भन्दै स्थानीय त्रसित बनेका छन् ।